काठमाडौं, २४ माघ । काठमाडौं कमलपोखरीस्थित सानदार मःम पसलमा आगलागी भएको छ । बिहीबार बिहान करिब ८ः५० बजे ग्यास चुहावट भई आगलागी हुँदा मःम पसलमा कार्यरत ११ जना कर्मचारी घाइते भएको जिल्ला प्रहरी परिसर काठमाडौंले जानकारी गराएको छ ।
घाइते सबैलाई उपचारका लागि कीर्तिपुर बर्न अस्पतालमा पुर्याइएको जिल्ला प्रहरी परिसर काठमाडौंका एसपी अपीलराज बोहराले जानकारी दिए । घाइतेमध्ये दुईजनाको अवस्था गम्भीर भएको प्रहरीले जनाएको छ । घाइते सबैलाई सुरुमा हिमाल अस्पतालमा लगिएको र त्यहाँबाट कीर्तिपुर पठाइएको जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
