सोमवार, मंसिर ८, २०८३ | Mon November 23, 2026


बागमती प्रदेशका मुख्यमन्त्री किरण थापा मगर सूर्यविनायक नंखेलस्थित त्रिवेणी खड्का खोलामा पुगेर नदी कटानको अवस्थाबारे स्थलगत अवलोकन

बागमती प्रदेशका मुख्यमन्त्री किरण थापा मगर सूर्यविनायक नंखेलस्थित त्रिवेणी खड्का खोलामा पुगेर नदी कटानको अवस्थाबारे स्थलगत अवलोकन



भक्तपुर, ६ मङ्सिर । बागमती प्रदेशका मुख्यमन्त्री किरण थापा मगरले भक्तपुरको सूर्यविनायक नगरपालिका–९, नंखेलस्थित त्रिवेणी खड्का खोलामा भइरहेको कटान तथा गर्ग मार्गमुनि रहेको घट्टे खोला कटानको स्थलगत निरीक्षण गर्नुभएको छ ।

मुख्यमन्त्री थापाले दुवै खोलामा भइरहेको नदी कटानको अवस्थाबारे स्थलगत जानकारी लिनुका साथै स्थानीयवासीहरूसँग छलफल तथा अन्तरक्रियासमेत गर्नुभएको हो ।निरीक्षणका क्रममा उहाँले नदी कटानका कारण स्थानीयवासीले भोग्नुपरेका समस्या र सम्भावित जोखिमबारे जानकारी लिनुभएको थियो ।

सो क्रममा त्रिवेणी खड्का खोला र घट्टे खोलामा भइरहेको कटान नियन्त्रणका लागि बागमती प्रदेश सरकारबाट आवश्यक बजेट व्यवस्थापन गर्ने विषयमा समेत छलफल भएको छ । मुख्यमन्त्री थापाले स्थानीयसँगको छलफलमा खोला कटान नियन्त्रणको लागि आवश्यक बजेट विनियोजन गर्ने प्रतिबद्धता जनाउनुभयो ।

नदी कटान नियन्त्रणका लागि आवश्यक योजना तथा बजेटको व्यवस्थापन हुन सके स्थानीय बस्ती, सडक तथा आसपासका क्षेत्रलाई सम्भावित क्षतिबाट जोगाउन सहयोग पुग्ने स्थानीयको भनाइ छ । उहाँहरूले कटान नियन्त्रण नभए आफूहरूको बास नै उठ्ने भन्दै मुख्यमन्त्रीको ध्यानाकर्षण गराउनुभएको थियो ।

 

यो खबर पढेर तपाईलाई कस्तो महसुस भयो ?
+1
+1
+1
+1
+1
यो पनि पढ्नुहोस  सूर्यविनायक नगरपालिकाका प्रमुख वासुदेव थापाद्धारा प्रहरीलाई गाडी हस्तान्तरण ु

प्रतिक्रिया दिनुहोस्
सम्बन्धित