ललितपुर, १४ असोज । जिल्लामा बाढी पहिरोमा परी हराएका १० जनाको आइतबार शव फेला परेको छ । प्रहरीका अनुसार महालक्ष्मी नगरपालिकन-८ संखादेबीकी ५६ वर्षीया लिला थापा, झापा घरभई ललितपुर महानगरपालिका-३ मनमोहन पार्कमा बैभब पावर नेपाल प्रा.ली को स्टोरमा काम गर्ने २८ वर्षीय सुवास पाण्डेको शव फेला परेको छ ।

• त्यसैगरी, महालक्ष्मी नगरपालिका-९ लुभु खोलाको छेउमा पहिरोमा बेपत्ता भएका ३ जना सुर्खेत घरभई   लुभु बस्ने २४ वर्षीया हरीकला थापा मगर, उनकी छोरी साढे २ वर्षीया सिमृका थापा मगर र ससुरा ५० वर्षीय शिव थापा मगरको शव फेला परेकाे छ ।  ललितपुरकै बागमती गाउँपालिका-५ भालु खोला बस्ने ६४ वर्षीया माईली श्रेष्ठ, गोदावरी नगरपालिका-७ छोटेडाडा देवीचौरमा पुरिएको छोटेडाँडा बस्ने एकै परिवारको ४५ वर्षीय जयमान न्यासुर तामाङ, ४० वर्षीया कान्छि माया तामाङ, २० वर्षीय बाल्स्या तामाङ  र २ महिनाको बालिकाको मृत्यु भएको छ । अझै ७ जना बेपत्ता भइरहेको जिल्ला प्रहरी परिसर ललितपुरले जनाएको छ ।