हेटौडा, ६ कात्तिक । वागमति प्रदेशका स्वास्थ्य मन्त्री किरण थापाले आज वागमति प्रदेश अन्तर्गतका १३ वटै जिल्लाका प्रदेश अन्तर्गतका अस्पतालहरुको मेडिकल सुपरिटेण्डेन्ट एवं निर्देशकहरु, मन्त्रालयका उच्चस्तरिय कर्मचारीहरुसंग प्रदेश स्तरीय अस्पतालको अबस्था, अबसर, चुनौती र समस्याहरुका बिषयमा सयुक्त रुपमा छलफल गर्नु भएको छ ।
आज उहाँले वागमति प्रदेश अन्तर्गतका १३ जिल्लाका अस्पतालहरुको अबस्था कस्तो छभन्नेबारेमा जानकारी दिन छलफल गर्नु भएको हो । उहाँलाई १३ वटै अस्पतालका मेसुहरुले अस्पतालको वर्तमान अबस्था, सुधारका पक्षहरु, समस्या र समाधानका पायहरुकाबारेमा जानकारी गराउनु भएको थियो ।
मन्त्री थापाले आफ्नो कार्यकालमा १३ वटै जिल्लाका अस्पतालहरुको स्तरोन्नतीदेखि जनशक्ति परिचालनसम्म, सेवा विस्तारदेखि जनताको सहज स्वास्थ्य उपचारको पहुँच पुर्याउन प्रदेश सरकारले आवश्यक सहयोग पुर्याउने बताउनुभयो ।
उहाँले १३ वटै जिल्लाका जनताले सहज र गुणस्तरीय सेवा पाउने गरि अस्पतालको सेवा विस्तारलाई अगाडि बढाउने बताउदै मन्त्रालयको नीति, निर्देशन र लक्ष्य विपरित नजान निर्देशनसमेत दिनुभयो । अस्पतालमा जनगुनासो नआउने गरि सेवा प्रवाह गर्न समेत उहाँले अस्पताल प्रमुखहरुलाई निर्देशन दिनुभयो ।
स्वास्थ्य अबस्था प्रतिकुल रहदाँ पनि औषधि सेवन गरेर दिनभर अस्पतालका मेसुहरुसंग अस्पतालका अबस्थाकाबारेमा मन्त्री थापाले जानकारी लिनु भएको थियो ।
कार्यक्रममा मन्त्रालयकासचिब बद्रीबहादुर खडका, मदन भण्डारी प्रतिष्ठानका उपकुलपति डा. प्रदिप ज्ञवाली, निर्देशनालयका प्रमुख डा. नरेन्द्र झा, प्रदेशका निर्देशक डा. खगेश्वर गेलाल , नीति तथा आयोगको सदस्य डा. दीपेन्द्र श्रेष्ठ , मन्त्री थापाको बिज्ञ सल्लाहकार डा. दिपकबिक्रम थापा लगायत मेडिकल डारेक्टरहरुसंग अन्तरक्रिया गर्नुभएको थियो ।
