भक्तपुर, २५ बैशाख : भक्तपुरको खरिपाटीस्थित नेपाल विद्युत प्राधिकरणको भवनमा सरकारले राखेको सुकुम्वासी स्थलमा पुगेर नेकपा एमालेका सचिव महेश बस्नेतले त्यहाँको अबस्थाबारे जानकारी लिएका छन् ।
सरकारले भक्तपुरको मनोहरा, काठमाडौंका्े बल्खु, माछापेखरी, किर्तिपुरलगायतका बिभिन्न ठाउँमा भत्काएको सुकुम्वासी बस्तीबाट ल्याएको सुकुम्वासीहरुसंग सचिव बस्नेतले यहाको अबस्थाकाबारेमा जानकारी लिएका थिए । सुकुम्वासीहरुसंग घेटघाट गरि कहिलेदेखि बस्तीमा बस्दै आएको, समस्या के के छन्, सरकारसंग के माग छ भन्नेबारेमा जानकारी लिएका थिए ।
त्यसैगरि वागमति प्रदेशका स्वास्थ्य मन्त्री किरण थापाले एमाले सचिव बस्नेतलाई सुकुम्वासीहरुको स्वास्थ्य उपचारको जिम्मा वागमति प्रदेशले लिएको र वागमति प्रदेश स्वास्थ्य मन्त्रालयको निर्देशन अनुसार नै जिल्ला जनस्वास्थ्य कार्यालय भक्तपुरले भक्तपुर अस्पतालको प्राबिधिक सहयोगमा स्वास्थ्य सेवा प्रवाह गरिरहेको जानकारी गराउनु भयो । चाँगुनारायण नगरपालिकास्थित श्रीमृष्ण माध्यमिक विदालयमा यहाँका बालबालिकालाई पठन पाठनका व्यबस्था मिलाउने जानकारी गराएको छ ।
त्यहाँ बसोबास गरिरहेका १९२ जना सुकुम्बासीहरूको अवस्था, पीडा र आवश्यकताबारे जानकारी लिको र स्वास्थ्य नै जीवनको पहिलो आधार भएकाले यहाँका नागरिकहरूको स्वास्थ्य अवस्था, उपचार पहुँच, सरसफाइ र आवश्यक सेवा प्रवाह गर्ने जनाएको छ । स्वास्थ्य शिविर, औषधि उपलब्धता र सहज स्वास्थ्य सेवाका कार्य प्रदेश सरकारले जारी राखेको जानकारी दिदै मन्त्री किरण थापाले राज्यको सेवा हरेक नागरिकसम्मस्वास्थ्य सेवाको सहज पहुँच पुर्याउने बताउनुभयो ।
