भक्तपुर, १९ भदौ : मध्यपुरथिमि नगरपालिका–९ राधेराधेस्थित श्यामा श्यामा धाम शक्ति मन्दिर (राधाकृष्ण मन्दिर)मा श्रीकृष्ण जन्माष्टमी महोत्सव सम्पन्न भएको छ ।
श्रीकृष्ण जन्माअष्टमीको अवसरमा राधा माधव समिति श्यामा श्यामा धामले आयोजना गरेको बिविध कार्यक्रमसहितको महोत्सवमा आज बिहान ५ बजेदेखि राती नौ बजेसम्म हजारौ भक्तजनले राधाकृष्णको आकर्षक मूर्ति रहेको भक्ति मन्दिरमा विहान ५ बजेदेखि पुजा एवं दर्शन गरेका थिए ।
दर्शनार्थीले आज मन्दिरमा दर्शन गर्ने, धाममा प्रवचन श्रवण गर्ने र प्रसाद ग्रहण गर्ने कार्य मध्यराती १२ बजेसम्म जारी रहने दर्शनार्थीको आगमन भएको राधा माधव समितिका किरण कमार खोजुले जानकारी दिनुभयो । महोत्सवको अवसरमा आज बिहान ८ः३० बजेदेखि मध्यराती १२ बजेसम्म विशेष साधना सञ्चालन गरिएको जानकारी दिनुभयो ।
त्यसैगरि श्रीकृष्ण जन्माष्टमीको अवसरमा आयोजना गरेको श्रीकृष्णजन्माष्टमी विशेष कृष्णलीला प्रर्दशनी विहान १० बजेदेखि सुरु भई अपरान्ह ५ बजे सम्पन्न भएको थियो । कार्यक्रममा शक्ति साधनादेखि बिभिन्न साँस्कृतिक कार्यक्रम सम्पन्न भएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
