भक्तपुर, ८ बैशाख । आमा, राम्रोसंग चेकअप गर्नुस् है, आज धेरै डाक्टर तपाईको गाउँमा आउनु भएको छ, महिलाको रोगहरु पनि नलजाई जाच गराउनुस् है, आफ्ना गाउँका छोरी, बुहारी, भाई भतिजालाई पनि जाँच गर्न पठाईदिनुस् है , पैसा लाग्दैन, सबै निःशुल्क हुन्छ, औषधिको पनि पैसा लाग्दैन, वागमति प्रदेशका स्वास्थय मन्त्री किरण थापामगरले मंगलबार भक्तपुरको सुडालस्थित सरस्वती माध्यमिक विद्यालयमा आयोजना गरेको स्वास्थ्य शिविरमा आउन जेष्ठ नागरिक एक महिलालाई भनेका शब्द हुन् यी ।
आमालाई मात्र होईन्, सुगर अर्थात मधमेह परीक्षा गराईरहनु भएका एक पाका उमेरका पुरुषलाई पनि नमस्कार गर्दै उहाँले भन्नुभयो, बा, सुगर परीक्षा गराउनु भएको, आज यहाँ धेरै डाक्टरहरु हुनुहुन्छ, आफ्नो स्वास्थ्यमा जे जे समस्या छ, सबै जचाउँनु् है, केही जटिल रोग देखियो भने भक्तपुर अस्पतालमा निःशुल्क उपचार गर्छौ,
प्रोस्टेज पनि जचाउनुस् है, अब ।

स्वस्थ्य मन्त्री थापाले स्वास्थ्य परीक्षणका लागि गर्नु भएको आग्रहलाई नियाल्दा लाग्थ्यो उहाँ मन्त्री भएर शिविरमो अनुगमन गर्न मात्रै जानु भएको होईन, स्थानीयवासीलाई स्वास्थ्य परीक्षण गराउन जिम्मेवार बन्नलाई प्ररणा दिन र सरकारले गर्ने निःशुल्क उपचारको प्रचारप्रसार गर्न पनि त्यहाँ पुग्नु भएको हो ।

प्रदेश सरकारको मुख्यमन्त्री स्वास्थ्य कार्यक्रम अन्तर्गत वार्षिक बजेटबाट जिल्ला जनस्वास्थ्य कार्यालय भक्तपुरको आयोजना र चाँगुनारायण नगरपालिकाको समन्वयमा भएको दुईदिने शिविरमा मन्त्री थापा पुग्दा स्थानीइ सरकारको उपस्थिति शून्य देखेपछि केही निराश पनि हुनुभयो ।

उहाँले चाँगुनारायण नगरपालिकाका स्वास्थ्य शाखा प्रमुखलाई नगरपालिकाले जिम्मेवारी नलिएको, वागमति प्रदेश सरकारल गाउँगाउँमा यति ठूलो शिविर ल्याउँदा पनि प्रचार प्रसचार नगरेको र शिविर स्थलमा समेत वडादेखि नगरपालिकासम्मको उपस्थिति शून्य हुनुले दुखी बनाएको र स्थानीय सरकारले शिविरलाई अपनत्व नलिएको महसुस गराएको गुनासो गर्नु भयो । दिउँसो करिब १ बजेपछि वडा अध्यक्ष जनक खत्री पुगेपछि पनि उहाँले सोही गुनासो दोहर्याउन  उहाँले शिविरमा शल्यक्रिया बाहेक सबै सेवा उपलब्ध गराइएको बताउनुभयो ।