काठमाडौं ९ साउन। नेकपा एमाले र नेपाली कम्युनिस्ट पार्टीबीच आज शनिवार प्रदेश सरकारहरूमा सहकार्य गर्ने सहमति भएको छ । नेकपा एमालेले ३ र नेकपाले २ प्रदेशको नेतृत्व गर्नेगरी सहमति भए पछि एमाले अध्यक्ष कपी शर्मा ओली र नकपा अध्यक्ष पुष्पकमल दाहाल प्रचण्डले सहमति पत्रमा हस्ताक्षर गर्नु भएको छ।
सहमति अनुसार, कोशी, बागमती र लुम्बिनी प्रदेशको नेतृत्व नेकपा एमालेले गर्ने तथा कर्णाली र सुदूरपश्चिमको नेतृत्व नेकपाले गर्ने सहमति भएको छ । सहमति पत्रमा प्रदेशसभामा सहकार्य गर्ने र संयुक्त सरकार गठन गर्ने उल्लेख छ।
पछिल्लो समय प्रदेश सभामा बजेट निर्माणमा देखिएको असमझदारी, बजेट विहीनताको अवस्था र अस्थिर राजनीतिक प्रतिस्पर्धा लगायतका समस्याहरूलाई समाधान गर्दै जनताको चाहना अनुरूप राजनीतिक स्थिरता, सुशासन, सम्बृद्धि र प्रादेशिक विकासको गतिलाई तीव्र बनाउन एकैठाउँमा उभिएको उल्लेख छ।
मधेश प्रदेश र गण्डकी प्रदेशमा भने प्रदेश सभामा प्रतिनिधित्व गर्ने अन्य राजनीतिक दलहरुसंग छलफल र परामर्श गरि सरकारको नेतृत्व र सहभागिताको स्वरुप तय गर्ने सहमतिमा उल्लेख छ ।
वागमतिमा मुख्य मन्त्रीको जिम्मवारी किरण थापालाई दिने निश्चित :
वागमति प्रदेशको मुख्य मन्त्री किरण थापाले नेतृत्व गर्ने बलियो सम्भावना रहेको एमाले एक नेताले जानकारी दिए । प्रदेश सरकारमा दुई वर्ष स्वास्थ्य मन्त्रीको जिम्मेवारी सम्हाल्दा कनै विवादमा नपरेका र स्वास्थ्यको क्षेत्रमा निकै प्रभावकारी काम गरेर उच्च छबी बनाएको भन्दै पाटीको नेता तथा कार्यकर्ताहरुले समेत मुख्यमन्त्रीको जिम्मेवारी किरण थापालाई दिनु पर्ने आवाज उठेको छ । पार्टी निकट श्रोतका अनुसार थापालाई मुख्य मन्त्रीको जिम्मेवारी दिने पार्टीभित्र करिब निश्चित भएको जानकारी दिनुभयो ।
